काठमाडौं । सत्तारुढ दल नेकपा (एमाले) पार्टी र नेतृत्व विरुद्ध षड्यन्त्र र कुप्रचारको प्रतिवाद गर्ने संकल्प गरेको छ ।
आइतबार एमालेको केन्द्रीय संगठन विभागले च्यासलस्थित पार्टी कार्यालयमा आयोजना गरेको एक कार्यशालामा पार्टी र नेतृत्वविरुद्धका षड्यन्त्र र कुप्रचारको प्रतिवाद गर्नेसहित ६ वटा संकल्प गरेको हो ।
आधारभुत तहसम्म कमिटी निर्माण गर्ने र सदस्यता विस्तार सँगसँगै ‘जनतासँग जन संगठन’ अभियान, २०८१ भित्रै सबै पार्टी सदस्यहरुलाई अनलाइनमा ल्याउनेसहितका ६ वटा संकल्प गरिएको एमाले संगठन विभाग सचिव माधव प्रसाद ढुंगेलले विज्ञप्तिमार्फत जानकारी दिएका छन् ।
त्यस्तै चैत्र सम्ममा एक राष्ट्रिय युवा महोत्सवको आयोजना गर्न पार्टी केन्द्रलाई आग्रह गर्ने र पार्टी, नेतृत्वका विरुद्ध षड्यन्त्र र कुप्रचारको जमेर प्रतिवाद गर्दै पार्टी नीति, नेतृत्व र राजनीतिक कार्यदिशालाई जनताबीच स्थापित गर्ने निर्णय भएको जनाइएको छ ।
