काठमाडौं । नेपाली कांग्रेसले कीर्तिपुर नगरपालिकाको मेयरको उम्मेदवार कृष्णमान डंगोललाई बनाउने निर्णय गरेको छ ।
शनिबार बसेको कांग्रेस बागमती प्रदेश संसदीय संसदीय समितिको बैठकले कीर्तिपुरको मेयरमा डंगोललाई बनाउने निर्णय गरेको हो ।
मंसिर १६ गते हुने स्थानीय तह उपनिर्वाचनको लागि कीर्तिपुर नगरपालिकाको प्रमुखमा डंगोललाई उम्मेदवार बनाउने निर्णय भएको कांग्रेस बागमती प्रदेशका सभापति इन्द्रबहादुर बाँनियाले कांग्रेस जिल्ला कार्य समितिलाई परिपत्रमार्फत जानकारी गराएका छन् ।
कीर्तिपुरको मेयरका लागि एमालेले डा. सुरेन्द्र मानन्धर, माओवादीले प्रा.डा. शिवशरण महर्जन र राप्रपाले धुव्र महर्जनलाई उम्मेदवार बनाउने निर्णय गरेका छन् । रवि लामिछाने नेतृत्वले राष्ट्रिय स्वतन्त्र पार्टीले पनि स्थानीय तहमा प्रतिस्पर्धा गर्ने तयारी गरेको छ ।
गत निर्वाचनमा विजयी भएका रामकुमार नकर्मीको निधन भएपछि कीर्तिपुर नगरपालिकामा उपनिर्वाचन हुन लागेको हो ।
