काठमाडौं । सत्ता गठबन्धन दल नेकपा (एमाले) ले प्रधानमन्त्री पुष्पकमल दाहाल ‘प्रचण्ड’ नेतृत्वको सरकारलाई दिएको समर्थन फिर्ता लिने निर्णय गरेको छ ।
एमालेका प्रमुख सचेतक महेश बर्ताैलाले पार्टीको निर्णय अनुसार सरकारलाई दिएको समर्थन फिर्ता लिने निर्णय गरेको जानकारी दिए । उनका अनुसार केही बेरमै औपचारिक रुपमा समर्थन फिर्ताको पत्र प्रधानमन्त्रीलाई बुझाउने तयारी छ ।
कांग्रेस र एमालेले मिलेर राष्ट्रिय सहमतिको सरकार बनाउने सहमति गरेपछि एमालेले प्रधानमन्त्री प्रचण्डलाई राजीनामा दिएर मार्ग प्रशस्त गर्न आग्रह गरेको थियो । प्रधानमन्त्री प्रचण्डले राजीनामा नदिएर विश्वासको मत लिने तयारी गरेपछि एमालेले आज सरकारलाई दिएको समर्थन फिर्ता लिएको हो ।
यो सँगै एमालेका मन्त्रीहरुले सामूहिक राजीनामा दिने तयारी गरेको बुझीएको छ । हाल एमाले मन्त्रीहरु अध्यक्ष केपी शर्मा ओलीको निवास बालकोट पुगेका छन् ।
