काठमाडौं । राष्ट्रिय स्वतन्त्र पार्टी (रास्वपा) का महामन्त्री एवम् प्रवक्ता मुकुल ढकाल पार्टीको केन्द्रीय समितिको बैठकमा मुखमा कालो टेप लगाएर सहभागी भएका छन् ।
विभिन्न जिल्लामा गएर पार्टीको विषयमा कार्यकर्ताको धारणासहित प्रतिवेदन तयार गरेर फर्किएका ढकालले केही दिन अघि केन्द्रीय समितिको बैठक प्रत्यक्ष लाइभ गर्न माग गरेका थिए । मागको सुनुवाइ नभएको विरोधमा उनले आज मुखमा कालो टेप लगाएका हुन् ।
मुखमा माक्स लगाएर त्यसको बाहिर क्रसमा कालो टेप लगाएर महामन्त्री ढकाल बैठकमा सहभागी भएका छन् । उनले बैठकमा बोल्न पाउने लोकतान्त्रिक अधिकारको हनन भएको दाबी गरेका छन् ।
