सभामुख डीपी अर्यालले प्रधानमन्त्री बालेन्द्र शाहलाई संसदमा उपस्थित भएर सांसदले गरेका प्रश्नको जवाफ दिन रुलिङ गरेका छन् ।
मंगलबार बसेको प्रतिनिधि सभा बैठकमा विपक्षी सांसदहरुले उठेर विरोध जनाएपछी सभामुख अर्यालले प्रधानमन्त्री शाहलाई यस्तो निर्देशन दिएका हुन् ।
"प्रतिनिधि सभा नियमावली, २०८३ को नियम ५६ बमोजिम प्रधानमन्त्रीको कार्यक्षेत्रसँग सम्बन्धित विषयमा महत्त्वपूर्ण विषयमा प्रश्न उत्तर माग गरिरहनु भएको विषयप्रती मेरो गम्भीर ध्यानाकर्षण भएको छ । यसै सन्दर्भमा प्रतिनिधि सभा बैठकमा उपस्थित भइ नियमावलीको नियम ५६, ५७, ५८, ५९ र ६० बमोजिम माननीय सदस्यहरूको प्रश्नहरूको जवाफ दिन म सम्माननीय प्रधानमन्त्रीलाई निर्देश गर्दछु," सभामुख अर्यालले भने ।
प्रधानमन्त्री बालेन्द्र शाहले यस अघि संसदमा उपस्तिथि भएर नेपालले पनि भारतको भू-भाग मिचेको भनेर अभिव्यक्ति दिएपछि चौतर्फी आलोचना हुनुको साथै प्रतिपक्षी दलका सांसदहरुले प्रधानमन्त्रीले यस बारे जवाफ दिनुपर्ने र माफी माग्नुपर्ने भन्दै संसद बैठकको सुरुवातमै विरोध जनाउँदै आएका थिए ।
सभामुखले आज रुलिङ गरेसँगै प्रधानमन्त्री शाहले भदौ १० गते संसदमा सांसदले सोधेका प्रश्नको जवाफ दिने भएका छन् ।
